Hið húsvíska pönk

Nú neyðist ég líkast til að biðjast afsökunar á því að hafa sagt keyptu í stað kauptu í síðasta bloggi - sýnist fólk vart hafa sofið vegna þessa. Afsakið Péturar PétuRssynir þessa lands.

Blaðamannaverðlaunin voru afhent um daginn og flest fínt um þau að segja. Hefði þó viljað að ein besta tilraun til fréttamennsku í Íþróttafréttum í lengri tíma hefði hlotið náð fyrir augum dómnefndar; nefnilega tilnefning hins húsvíska Henry Birgis Gunnarssonar, fréttamanns á Fréttablaðinu.

Henry hefur lengi baslað við að skrifa gagnrýnar fréttir af íþróttahreyfingunni og fyrir vikið ekki alltaf verið vinsælasti gesturinn á herrakvöldum íþróttafélaganna. Enda virðast margir halda að íþróttafréttamenn eigi að taka stöðuna, statistíkina og svo hypja sig heim að tölvunni. Annað eigi ekki erindi við lesendur, til dæmis ekki hvernig er farið með peninga skattgreiðenda í æskulýðs- og forvarnarmál og þeim úthlutað til að kaupa takkaskó á fullorðna menn sem nenna ekki að vinna.

Þar virðist eina forvörnin snúast um að fullorðnir menn fari aldrei í vinnuföt - heldur geti þeir fengið sér í vörina í jogginggallanum. Og eina tengingin við æskuna er að viðhalda henni sem lengst hjá stálpuðum körlum.

Henry hefur af húsvískum pönkaraskap hins vegar ákveðið að spyrja hvers vegna og af hverju? Hann hefur til dæmis oftar en einu sinni fjallað um vitleysisgang fullorðinna manna í stjórnum íþróttafélaga sem virðast halda sig í ativnnurekstri á frjálsum markaði en eru oftar en ekki að leika Hannes Smárason með æfingagjöld Sigga litla sjö ára.

Auðvitað eru ekki öll íþróttafélög í tómum skít - en þau sem eru það er allt í lagi að fjalla um.

Henry benti líka á mismunun í greiðslum til kvenna og karla hjá KSÍ og fór í saumana á íslenska leikmannamarkaðnum. Fyrir þetta fóru fullorðnir menn í fýlu við Henry. Ég hitti um daginn mann sem vegna eigin fjárskorts hefur sótt stíft að eyða peningum almennings og unglinga í að leika Mourinho. Hann sagði að Henry ætti að vera í "alvöru fréttum" ekki að pönkast á ungmennahreyfingunni.

Henry haltu áfram að pönkast í ungmennahreyfingunni. Ekki veitir af. Og ekki hætta að fjalla um Snört frá Kópaskeri og önnur verðandi stórlið þessa lands. Lifi Valur - Reyðarfirði

Breytti þessari færslu eftir að hafa fengið beiðni um það frá utanríkisþjónustunni. Virðist hafa gleymt R-i í föðurnafni Péturs Péturssonar. Heiður minn sem fjölmiðlamanns er að veði.

Athugasemdir

[Katrín, 6.3.2007 kl. 17:37]

Tek heilshugar undir hvert orð.  Þau eru mörg skúmaskotin innan íþróttahreyfingarinnar sem vert er að hreinsa út!!

[Drengur (IP-tala skráð) 6.3.2007 kl. 17:39]

Ég hef engu við þetta, né heldur athugasemd Katrínar, að bæta. Áfram Henry!

[Eiður Svanberg Guðnason, 6.3.2007 kl. 18:07]

Þú átt líklega við   Péturssynir, ekki Pétussynir! Eða hvað ?

Kannski er  Pétrar líka eðlilegri fleirtala  en Péturar.

Það verður nú eiginlega að ætlast til þess að  fjölmiðlamenn geti bæði talað og skrifað móðurmálið.

[Helgi Seljan, 6.3.2007 kl. 18:21]

Fyrirgefðu Eiður. Þegar aðalræðismenn Íslands í Færeyjum - óþreytandi í almannaþjónustu - tala, þá hlustar maður og gott ef ekki skrifar nótur.

[Tómas Þóroddsson, 6.3.2007 kl. 19:20]

Hvað hefur Henry skúbbað? Er hann ekki bara í því að gera þeim sem vinna sjálfboðastarf, fyrir uppbyggingu ungmenna og æskulýðsstarf erfit fyrir? Hann spyr bara og spyr, og hefur ekkert fyrir sér. 'Eg held að hjá flestum alvöru félögum sé starfið að mestu leiti aðskilið (barna og fullorðins), þó auðvitað séu einstök verkefni unnin í samvinnu.

[Matthildur Ágústa Helgadóttir Jónudóttir, 6.3.2007 kl. 20:49]

Ef satt reynist ætti maður kannski að leggja á sig að lesa íþróttaféttirnar.  

[Marrinn (IP-tala skráð) 7.3.2007 kl. 00:59]

Ég er nú ekki það merkilegur að hafa myndina hérna, eða að ég geti velt mér upp úr stafsetningu annara.  En ég hef skoðun á Henry og hún er sú að hann sé bara pappakassi, næstum jafn mikil og karluglan með hattin, þessi sem ég man ekki hvað heitir en ritstýrir Mannlífi.  Rannsóknablaðamennska þeirra er á sama  stigi og hjá Mikka og Guffa, að opinbera hið augljósa.  Oftar en ekki virðast það vera persónulegar skoðanir Henrys sem koma fram og gróusögur sem berast honum til eyrna.  Fyrir þá sem þekkja sannleikann, en hafa ekki aðgang að fjölmiðlum í sama mæli og títtnefndur Henry, þá er það hreint kvalræði að lesa sumar fréttir sem hann hefur "rannsakað" ofan í kjölinn.  Gott blogg og þörf umræða, en ekki taka Henry svona alvarlega...  

[Pétur Björgvin, 7.3.2007 kl. 09:27]

Fáfróður bloggari um íþróttamál eins og ég er skilur ekki alveg um hvað þið eruð að tala hérna? Er einhver sem getur bent mér á tölur, skýrslur, heimildir um málið? Eruð þið að segja að peningar sem eru eyrnamerktir fyrir starf með börnum og unglingum fari í fjármögnun á hobbýi fullorðins fólks?

[Gunnar Sigurðsson (IP-tala skráð) 7.3.2007 kl. 13:59]

Ef einhver blaðamaður myndi veigra sér við að skrifa illa um StórJúgóslavíulið Víkings í Ólafsvik, þá yrði ég einnig fyrsti maður til að henda mér á þá lest. Með fullan poka af auðguðu úrani. Mér hugnast ekki blaðamenn sem hafa ekki lagt grasvöll með berum höndum. BERUM HÖNDUM SAGÐI ÉG. Það er grasrót, það er ungmennafélagsandinn. 

Ungmennafélög án landamæra. Eflum sveitir fyrrum Júgóslavíu.

Lifi Víkingur (ekki malbiksVikingur)

[Steingrímur Helgason, 8.3.2007 kl. 02:59]

Já, zkelfilegar hjá þér ztazzettníngarvillurnar alltaf.  Taka gerlega frá manni athyglina frá innihaldinu.  Já, eða mar er mákze zwo nojaður fyrir leturvízinni að mar kýz að zkoða lítt meinínguna.  Pepzí mál fyrir mér.

En Henrý þezzi ágæti hefur velt við zteini zem að margir hefur kozið að ef ei kyrr lægi, þá mætti mákze mala hann & tyrfa yfir zárið með ágætiz aðkeyptri gervigrazmottu.  Það þýðir náttúrlega heldur ekki að hann þurfi endilega að hafa rétt fyrir zér nema dona upp að zlaklegri tveggja ztafa tölu, en umræðan er þörf.   Ég þekki bæði mannvini hina meztu zem að vinna ztórafrek við hliðarlínuna á hverjum degi hjá yngri flokkunum fyrir kanellauzt & líka ztórvezíra í ztjórn zem zjázt á góðum zólardegi þegar meiztaraflokkurinn er að zpila.  Þeir mázke mættir að ztyðja 'zinn mann'  af því að þeir hafa fjármagnað á bak við tjöldin einhvern frívinnudíl fyrir unhvern 'vonarjúggann' af ónefndum þjóðernum.  Ég tek það fram að ég er ekki Ólafzfirðíngur, zamt.

Dóttla mín æfir fótbolta með fínu úngmennafélagi, & með henni æfa alveg fríir króatar líka í því fjölþjóðlega zamfélagi zem að dæmigert orðið í zmáþorpum landzinz.  Ég hef nú ekkert rifizt yfir því ennþá hvort að hún fái meiri eða minni peníng en zdrágarnir zem að hún æfir með af zjónvarpztekjunum zem að eru nú líklega dáldið undir væntíngum, enda aldrei hefur zézt meira en ein & laumuleg vídeókamera einhverz ofuráhugazamz foreldrizinz á þeim holótta fótboltavelli zem hér er brúkuð.  Það er ekkert álver í minni zweid, & því öngvin fótboltahöll.   Reyndar girnazt golfarar nágrannabyggða fótboltavöll okkar í laumi, vegna náttúrulegz mizgengiz & góðra 'grína', í markteigum beggja vegna.

En Helgi, lifir Valur Reyðarfirði ?

Zíðazt þegar ég kíkti þá var eina zkráða meiztaraflokkzliðið í þínu fyrrum pózdnúmeri einhver jafn illa blandaður jafníngur & zweidarztjórnin eftir zameiníngu, & Ztjáni Zwavarz ztórznilli ennþá hángiketið í liðinu?

Zkáztu heilzur....

Z.

(EZ, það er ekkert að því að vera flughræddur þegar hratt er tekið bratt niður á AGZ, & þú varzt næztum búinn að fá lit í andlitið aftur, í zmóknum úti þarna fyrir jólin.)

[Pétur Maack (IP-tala skráð) 8.3.2007 kl. 10:56]

Pétrar, Helgi minn, fleirtalan af Pétur er Pétrar, láttu mig þekkja það

[Baldur Gudmundsson (IP-tala skráð) 9.3.2007 kl. 16:29]

Heyr heyr Helgi. Það getur enginn kallað sig alvöru knattspyrnumann fyrr en hann hefur leikið á Dúddavelli. Henry er flottur og ætti að vera öðrum íþróttafréttamönnum fyrirmynd. Ég er ekki alltaf sammála honum í einu og öllu, en er það eitthvað "möst" ?

Baldur Guðmundsson, frv. formaður Snartar, Kópaskeri