HELGI SKOÐAR HEIMINN

Jón og Gunna eru ólétt - aumingja Jón

Kannski er það bara ég svona barnlaus og vitlaus en...

Mér finnst alltaf jafn furðulegt þegar einhver segir mér frá því að þetta eða hitt parið sé ólétt. Ekki hún, alls ekki hann. Nei þau bæði. Saman í óléttunni bara. Svolítið krúttlegt en mest kjánalegt.

Það fyrsta sem mér dettur í hug þegar mér er sagt að Jón og Gunna séu ólétt er: Jón á aldrei eftir að komast í gegnum óléttu. Hann þyldi ekki einn í útvíkkun hvað þá sjálfa fæðinguna.

Svo man ég að það er enn þannig að konur bera stærstan hlut óléttunnar. Allt tal karla um að hormónar kvenna sjái þeim fyrir nægum verkefnum og jafnvel verkjum á óléttunni er bara þeirra leið til að reyna af veikum mætti að stela heiðrinum.

Fleira var það nú ekki.

Flokkur: Bloggar | 15.2.2007 | 22:13 | Facebook

Athugasemdir

Það hefur alltaf verið sagt að karl og kona í sambúð ættu að hámarki tvö börn í sambúðinni. Karlinn lifði ekki af nema eitt skipti! Mér finnst þetta líka rugl, þau eru ólétt. Gæti skilið það ef þau væru bæði um og yfir 100 kh.

Hulda Elma Guðmundsdóttir, 16.2.2007 kl. 06:59

Sá nú einmitt á einhverjum vefmiðlinum fyrir stuttu að einhver þjóðþekktur einstaklingur, karlmaður, var á leið í fæðingarorlof... Mér þykir stundum eins og fólk skilji ekki til hvers tungumálið er. Vissulega var hann á leiðinni í orlof... og fæðing á barni kom þar við sögu... en andskotinn hafi það.

Drengur (IP-tala skráð) 16.2.2007 kl. 13:14